COMUNICADO DA ACDeM ARMADIÑA
Desde a ACDeM Armadiña emitimos o presente comunicado en resposta á agresión machista acontecida esta madrugada nas inmediacións da zona da acampada do Festival Armadiña Rock. Pola presente:
1.- Manifestamos publicamente todo o noso apoio á vítima da agresión e a nosa repulsa ante calquera tipo de violencia exercida sobre as mulleres.
2.- Lamentamos e condenamos que, unha vez máis, un evento festivo sexa o marco de vulneración dos dereitos das mulleres.
3.- Declaramos persoas non gratas aos agresores machistas e repudiamos un sistema patriarcal que normaliza, favorece e xustifica feitos coma este.
4.- Convocamos unha concentración urxente en repulsa á violencia machista para mañá luns 27 de agosto na Praza da Chousa ás 21:00 h. Facemos un chamamento para que todas as persoas, asociacións, colectivos, entidades e institucións apoien esta iniciativa.
ASOCIACIÓN ARMADIÑA: «XUNTAS, RESPECTADAS E LIBRES».