BAILE NA RENDA
A partir deste venres 2 de agosto comeza no Fogar da Armadiña as clases preparativas para aprender un baile tradicional de cara a Romaría na Renda que o noso colectivo vai celebrar o próximo 15 de setembro.
Para aprender a bailar, non tes que ter coñecemento ningún sobre danza tradicional, só tes que ter gañas de pasalo ben e un chisco de paciencia para aprender en pouco máis dun mes a bailar “A Muiñeira de Chantada”.
As clases serán todos os venres de 21h e terán unha hora de duración. O prezo é de 5€ para a afiliación da asociación e 8€ para todo aquel que non sexa da comunidade Armadiña.
A inscrición é moi sinxela, podes facelo a través do teléfono 605911497 ou a través do correo-e asociacion@armadinha.gal