II Xogos Tradicionais Armadiña
O próximo 24 de setembro na praza da Chousa (Combarro) a partir das 16:00 celebraremos a II Xogos Tradicionais Armadiña.
Nesta xornada de divulgación do xogo tradicional crearemos diferentes espazos para o xogo e a diversión:
Espazo Xandobeleira
É unha ludoteca que se compón dunha colección de xogos para todas as idades elaborados artesanalmente e inspirados en xogos tradicionais de épocas e lugares diversos.
Horario: 17:00 a 19:00
Espazo Divírtete
Espazo de xogos tradicionais para a diversión de toda a familia. Estará composto por: tirar a corda, trompo, comba, mariola, pano, brilé, os zancos, a corda, bolos celtas, o aro e a rá.
Horario : 16:00 a 20:00
Espazo Billarda
Dedicaremos un amplo espazo da praza para a práctica dun dos deportes tradicionais máis en auxe, a billarda. Contaremos coa colaboración da Asociación Ecocultural Bateas.
Horario: 16:00 a 18:30
Espazo Xogo do Pau
Exhibición e clase de iniciación ao Xogo do Pau pola xente de Gallaecia in Armis de Compostela.
Horario: 18:00 a 19:30
Espazo Loita Tradicional
Exhibición e clase de iniciación a Loita Tradicional galega a cargo do Club de Loita Tradicional Galega A Cambadela de A Estrada.
Horario: 16:30 a 18:00
Ás 18:30 e para rematar a xornada, disputarase o “I Aberto de billarda Vila de Combarro”.
Non tes nada que facer e queres pasalo ben? Ven.