Gran participación no II Torneo Armadiña de fútbol 3×3
No día de onte no Casal de Ferreirós membros da comisión deportiva da Asociación Armadiña e a concelleira de deportes Marga Caldas, presentaron a actividade deportiva a cal se integra dentro da campaña “Poio Móvese” sendo a Concellaría de Deportes o principal colaborador. Tamén cabe salientar a colaboración das empresas Tintanegra, Regalos Alberto e Frutas Moncho.
Como novidades nesta edición realizarase un sorteo dun pack de viños ofrecido por Regalos Alberto e unha cea para dúas persoas no Tintanegra.