IV CONCURSO “DECORACIÓN MARIÑEIRA”

Por cuarto ano consecutivo a ACDeM Armadiña organiza no eido do Festival Armadiña Rock Estrella Galicia o IV Concurso de decoración mariñeira do Recinto Histórico de Combarro. Como novidade este ano o concurso amplía a participación a todos os exteriores dos inmobles ademáis dos patíns e solainas coma viña facendo anteriormente, co obxectivo de que a vila mostre a súa cara máis mariñeira durante os días de festa. Ademáis, con esta actividade a Asociación pretende poñer en valor os beneficios socio ambientais da recuperación dos balcóns, patíns, solainas e exteriores dos inmobles como elementos vivos do Recinto Histórico Artístico no marco da tradición e cultura do país.

BASES DO CONCURSO:

1 CONVOCATORIA

A ACDeM. ARMADIÑA, ORGANIZA O IV CONCURSO DE DECORACIÓN MARIÑEIRA DO RECINTO HISTÓRICO DE COMBARRO COMO UNHA DAS ACTIVIDADES ENCADRADAS DENTRO DA PROGRAMACIÓN DO FESTIVAL ARMADIÑA ROCK ESTRELLA GALICIA ENTRE O 22 E 25 DE AGOSTO DE 2019.

2 OBXECTO DO CONCURSO

MEDIANTE ESTE CONCURSO PRETÉNDESE POÑER EN VALOR OS BENEFICIOS SOCIO AMBIENTAIS DA RECUPERACIÓN DOS BALCÓNS, PATÍNS, SOLAINAS E EXTERIORES DOS INMOBLES COMO ELEMENTOS VIVOS DO RECINTO HISTÓRICO ARTÍSTICO DE COMBARRO, NO MARCO DA TRADICIÓN E CULTURA DE GALICIA, IMPLICANDO Á VECIÑANZA NO SEU COIDADO E ORNAMENTACIÓN MEDIANTE A UTILIZACION DE PRANTAS AUTÓCTONAS PREFERIBLEMENTE E ELEMENTOS RELACIONADOS COA CULTURA MARIÑEIRA E AGRÍCOLA DA NOSA TERRA.

3 PARTICIPANTES

PODERÁN PARTICIPAR NO CONCURSO TODA A VECIÑANZA CON INMOBLES DENTRO DO RECINTO HISTÓRICO ARTÍSTICO DE COMBARRO QUE REÚNAN AS CONDICIÓNS NECESARIAS PARA SER DECORADOS SEN POÑER EN PERIGO A INTEGRIDADE DO MESMO NIN DOS VIANDANTES.

QUEDAN EXCEPTUADOS DO PRESENTE CONCURSO EDIFICIOS PÚBLICOS OU OFICIAIS.

4 INSCRICIÓNS

AS INSCRICIÓNS DEBERÁN REALIZARSE CUBRINDO OS DATOS REQUERIDOS Ó FINAL DESTE DOCUMENTO E DEPOSITÁNDOO NO BUZÓN DE CORREOS DO LOCAL SOCIAL DA ACDeM. ARMADIÑA SITUADO NA AVENIDA FRANCISCO REGALADO, 11 BAIXO EN COMBARRO.

DATA LÍMITE INSCRICIÓN O 19 DE AGOSTO

5 DESENVOLVEMENTO DO CONCURSO

OS EXTERIORES DOS INMOBLES PARTICIPANTES DEBERÁN ESTAR ORNAMENTADOS O DÍA 22 ÁS 21:00 E MANTERANSE ATÉ A ENTREGA DE PREMIOS O 25 DE AGOSTO DE 2019.

ELEMENTOS PERMITIDOS PARA A PARTICIPACIÓN NO CONCURSO:

• PRANTAS PREFERIBLEMENTE AUTÓCTONAS: CAMELIA, ROSAL….

• ELEMENTOS RELACIONADOS CO MAR E A CULTURA MARIÑEIRA E AGRÍCOLA DA NOSA TERRA: REDES, NASAS, MILLO, CESTOS ARTESANAIS….

DEBERÁN ESTAR PERFECTAMENTE ANCLADOS Á FACHADA CALQUERA ELEMENTO COLGADO OU COLOCADO QUE PUIDESE PRECIPITARSE POLO EFECTO DO VENTO, SEN QUE A SÚA UBICACIÓN POÑA EN PERIGO A SEGURIDADE DOS VIANDANTES; FACÉNDOSE RESPONSABLE A PERSOA INSCRITA/PARTICIPANTE NO CONCURSO DE CALQUERA ACCIDENTE ORIXINADO POLA CAÍDA DALGÚN ELEMENTO OU PARTE DE ÉSTA Á VÍA PÚBLICA. DEBERASE RESPETAR OS VIAIS, ACERAS E ENTRADAS A VIVENDAS DOUTROS VECIÑOS/AS.

6 XURADO

OS MEMBROS DO XURADO DARANSE A COÑECER NO MOMENTO DO FALLO DO CONCURSO, ESTANDO COMPOSTO AL MENOS DE:

• UN/UNHA REPRESENTANTE DA ASOCIACIÓN MARE PODIUM

• UN/UNHA REPRESENTANTE DA ASOCIACIÓN A SOLAINA

• UN/UNHA REPRESENTANTE DA ASOCIACIÓN A REIBOA

• UN/UNHA REPRESENTANTE DA ACDeM. ARMADIÑA

OS COMPOÑENTES DO XURADO NON PODERÁN PARTICIPAR NO CONCURSO. O FALLO DO XURADO SERÁ INAPELABLE, PODENDO DECLARAR DESERTO OS PREMIOS POR FALTA DE CALIDADE SUFICIENTE OU INFRINXIR OS CRITERIOS ESTABLECIDOS NAS PRESENTES BASES.

O XURADO TEN A POTESTADE DE RESOLVER CALQUERA EVENTUALIDADE NON FIXADA PREVIAMENTE NESTAS BASES, RESOLVENDO AO SEU ARBITRIO CALQUERA DÚBIDA QUE PUIDESE XURDIR.

7 CRITERIOS DE VALORACIÓN

O XURADO BASARÁ O CRITERIO DA SÚA PUNTUACIÓN SEGUNDO:

• A ORIXINALIDADE E CREATIVIDADE DA COMPOSICIÓN

• CALIDADE ORNAMENTAL

• ARMONÍA DO CONXUNTO, DESEÑO.

• LABORIOSIDADE

• ADAPTACIÓN AO ENTORNO

• USO DE ELEMENTOS AUTÓCTONOS

8 PREMIOS

OS PREMIOS CORRESPONDENTES A ESTE IV CONCURSO DE DECORACIÓN MARIÑEIRA SERÁN OS SEGUINTES:

• PRIMEIRO PREMIO: 150 € E DIPLOMA ACREDITATIVO

• SEGUNDO PREMIO: 100 € E DIPLOMA ACREDITATIVO

• TERCEIRO PREMIO: 50€ E DIPLOMA ACREDITATIVO

OS PREMIOS ENTREGARANSE NA PRAZA DA RUALEIRA O DÍA 25 DE AGOSTO ÁS 13:15 H. DE ACORDO COA PROGRAMACIÓN DO FESTIVAL ARMADIÑA ROCK ESTRELLA GALICIA.

9 COMPROMISO

A PARTICIPACIÓN NESTE CONCURSO IMPLICA A TOTAL ACEPTACIÓN DAS PRESENTES BASES COMO TAMÉN O FALLO DO XURADO. ASÍ MESMO AUTORÍZASE Á ORGANIZACIÓN A REALIZAR CANTAS FOTOGRAFÍAS SE CONSIDEREN OPORTUNAS, RESERVÁNDOSE TODOS OS DEREITOS, PODENDO SER UTILIZADAS PARA A SÚA PUBLICACIÓN EN CALQUERA MEDIO, SEMPRE QUE SE REALICEN DENDE ESPAZOS COMÙNS E PÚBLICOS.