I Concurso de Monólogos PoioEscena 2015

11053662_785544904870670_5036619485103702388_n

Como avanzamos en xaneiro na presentación do Ciclo de Teatro PoioEscena2015, na edición deste ano queremos acrecentar a nosa aposta polo teatro, dando cabida a outras modalidades como o monólogo, co fin de potenciar o interese polas artes escénicas, e chegando así a un público máis diverso.

A proposta que presentamos é un concurso de monólogos aberto a todas as persoas maiores de 16 anos interesadas en participar, para que o escenario de PoioEscena sirva tamén para amosar o enxeño, o talento e a creatividade d@s cómicos da nosa terra, ao tempo que achegamos ao público unha nova oferta de espectáculos que ven a sumarse á programación anual teatral do Ciclo PoioEscena.

O prazo de inscrición queda aberto coa publicación das presentes bases, e remata o mércores 15 de abril. O concurso terá lugar no Centro Cultural Xaime Illa de Raxó, e desenvolverase en dúas xornadas, ambas abertas ao público; unha fase previa o 17 de abril, na que se escollerán tres finalistas, e unha final que se celebrará o venres 8 de maio, e da que sairán o 1º, 2º e 3º gañadores/as do I Concurso de Monólogos PoioEscena 2015.

A motivación dos organizadores de PoioEscena (SCD Samieira, SCD Raxó, ACDeM e a Concellaría de Cultura do Concello de Poio) nesta 6ª edición continúa sendo o mesmo obxectivo polo que naceu: fomentar o interese do público xeral polo teatro e contribuír á promoción e difusión das artes escénicas en galego, dando a coñecer o traballo feito na Galiza polos profesionais e afeccionados do teatro no noso país.

BASES I CONCURSO DE MONÓLOGOS PoioEscena 2015

1. Poderá participar calquera persoa maior de 16 anos.

2. Os monólogos participantes deberán ser en galego, orixinais e inéditos. Non se admitirán traducións, adaptacións ou refundicións, xa sexa de novela, cine, televisión, radio ou teatro.

3. A duración da actuación será de mínimo10 e máximo15 minutos.

4. Na inscrición facilitaranse os seguintes datos: nome, apelidos, DNI, idade, enderezo postal, teléfono de contacto e correo electrónico. Deberá xuntar o texto do monólogo co que participará, podendo engadir foto do/a participante e unha pequena descrición da súa traxectoria artística. Poderá facerse por dúas vías:

a) Presencial / por correo postal, no enderezo: Concellaría de Cultura – Concello de Poio. Praza do Mosteiro, 1 – 36995 San Xoán de Poio. Indicando no exterior do sobre: “I Concurso de Monólogos PoioEscena 2015”.

b) POR CORREO ELECTRÓNICO ao enderezo cultura@concellopoio.org, indicando no asunto “I Concurso de Monólogos PoioEscena 2015”.

5. O prazo de inscrición finalizará o día 15 de abril de 2015, inclusive.

6. O concurso constará de:

I. FASE PREVIA: Terá lugar o venres 17 de abril, podendo ampliarse ao sábado 18, en función do número de inscrit@s. Nesta/s sesión/s seleccionaranse 3 finalistas.

II. FINAL: Celebrarase o venres 8 de maio. @s 3 finalistas deberán presentar un monólogo distinto ao da fase previa, segundo o punto 2) das bases.

7. O límite máximo de participantes será de 12. De haber máis solicitudes, o xurado preseleccionara a 12 participantes en base ao texto do monólogo co que se inscriban.

8. O xurado estará composto por persoas do mundo do teatro e das artes escénicas e por unha representación da organización, con voz pero sen voto, que levantará acta do fallo do xurado. O xurado valorará a orixinalidade do tema, o contido do monólogo e a interpretación. O fallo do xurado será inapelable.

9. A organización reservase o dereito de gravar, publicar, proxectar ou difundir as obras total ou parcialmente, no momento que considere oportuno.

10. Os premios establecidos son:
– 1º Premio: 500 € + trofeo
– 2º Premio: 300 € + trofeo
– 3º Premio: 200 € + trofeo

11. A participación no concurso supón a aceptación das presentes bases e do fallo do xurado. Calquera circunstancia non prevista nas mesmas será resolta a criterio do xurado e da organización.

12. A organización resérvase o dereito de poder modificar, aprazar ou cancelar as datas do concurso.

+ información: cultura@concellopoio.org

ORGANIZA: SCD Raxó, SCD Samieira, ACDeM Armadiña, Concellaría de Cultura – Concello de Poio.

Fonte: https://www.facebook.com/notes/poio-escena/i-concurso-de-mon%C3%B3logos-poioescena2015/785544078204086

You may also like...

Deixa unha resposta

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies

Pra continuar usando este sitio web, tes que estar de acordo co uso de cookies. Máis Información

As propiedades das cookies nesta páxina está postas como "permitido cookies" para dar a mellor navegación posible. Se ti continuas usando o sitio web sen cambiar as propiedades das cookies or premendo "Aceptar", indicará que estás de acordo con iso

Pecha