A Chousa é nosa, Portos rectificación.
PORTOS DE GALICIA NON AUTORIZA A REALIZACIÓN DA 4º EDICIÓN DO TORNEO SOLIDARIO ARMADIÑA 3*3 NA PRAZA DA CHOUSA DE COMBARRO
No día de hoxe a Asociación Armadiña recibiu a noticia da non autorización da cesión da praza da Chousa por parte de Portos de Galicia para a realización do “TORNEO SOLIDARIO ARMADIÑA 3*3 DE FÚTBOL”.
Portos de Galicia restrinxiu na súa última normativa o número de actividades a realizar no dominio portuario ao que tamén pertence o centro neurálxico da nosa vida, a praza da Chousa. Con esta medida portos vai imposibilitar a realización da maioría de actividades cultural ou deportiva nesta praza, é dicir, os combarrenses non imos poder utilizar a nosa praza.
A Armadiña ten dúas actividades afectadas: o torneo de fútbol 3×3 e o xogos tradicionais. Mais tamén sabemos que este problema vai máis ala das nosas actividades e é posible que outras asociacións da nosa parroquia atópense ante o mesmo problema con outras actividades que veñen desenvolvendo.
Centrándonos na non autorización da praza para o torneo de fútbol, queriamos engadir que a celebración deste campionato é un feito moderno, cumpre a súa cuarta edición, mais ten a súas raices nas competicións estivais que se viñan celebrando en Combarro dende principios dos 80 cando a actual praza era unha explanada. A isto sumamos que dende o fútbol chegou a nosa vila, xogouse na que era antiga praia de Chousa competicións entre a veciñanza.
A Armadiña solidarizase con outros colectivos do noso Concello e de toda Galiza que se veñen atopando co mesmo problema ca nós: a denegación do permiso para a celebración dos seus eventos no centro da vila, a carón do porto por culpa dunha normativa que non ten sentido neste País.
A nosa asociación, coa axuda do Concello de Poio, vai realizar as alegacións oportunas para intentar até o último momento a celebración na praza da Chousa do campionato. Tamén faremos as xestións oportunas para solicitarlle a Portos de Galicia a retirada desta normativa que impide gozar da nosa praza, A Chousa.
Nos próximos días a Armadiña contactará con outras asociacións da nosa parroquia para sumar forzas e loitar para que na nosa praza se poidan seguir desenvolvemento as nosas actividades. Engadir que non descartamos realizar un chamamento a veciñanza de Combarro para facer unha concentración na propia praza para reivindicar que a praza da Chousa é de todos nós, porque:
“A Chousa é nosa, Portos rectificación”